👧🏿𝐇𝐊 𝐂𝐨𝐮𝐩𝐥𝐞.𝐌𝐮𝐫𝐦𝐮𝐫👦🏿港愛情

‼️ Couple.Murmur系列週邊開賣優惠‼️ 1️⃣ 買1個Couple.Murmur系列手機殼，即可免費獲得Couple.Murmur X Maskology 口罩2盒！(隨機顏色自動發送，送完即止。) 2️⃣由即日起至28/11，可以高達88折優惠價訂購Couple.Murmur系列手機殼！ 🤍Couple.Murmur X KMCOLLAB 聯乘週邊產品🤍 專屬 @couple.murmur 的設計系列週邊產品，這次更邀請了本地設計師 @blaccmict 設計手機殼，大家不容錯過，敬請留意 @kmcollabhk 更新消息！ 「爭氣啦爭氣啦」鏡面iPhone Case 🤍 iPhone 直邊黑框鏡面殼 🤍 材質：TPU 🤍 顏色：銀色/黑色鏡面 🤍 尺寸規格：iPhone 11-15 系列型號 「頭獎冇人中」鏡面iPhone Case 🤍 iPhone 直邊黑框鏡面殼 🤍 材質：TPU 🤍 顏色：銀色/黑色鏡面 🤍 尺寸規格：iPhone 11-15 系列型號 開賣日：21/11 (二) 20:00 HKT 正式接受訂購
訂購價截止日：28/11 (二) 23:59 HKT *訂購Link請留意Bio* (訂購活動完結後，商品將以原價售賣) #香港 #市集 #香港市集 #港嘜 #港嘜市集 #kmcollab #kmcollabhk #周邊 #週邊#hongkong #market #hongkongmarket #香港設計 #香港插畫 #香港插圖 #香港創作 #本地創作 #香港文創 #香港原創 #香港插畫專區 #hkillustration #illustration #design #hkdesign #draw #hkdraw #art #hkart

𝓘 𝓵𝓸𝓿𝓮 𝔂𝓸𝓾 𝓲𝓷 𝓮𝓿𝓮𝓻𝔂 𝓤𝓷𝓲𝓿𝓮𝓻𝓼𝓮.🪐 地球很危險，真想有天可以和你逃離到屬於我倆的星球。 那裡只有月亮、只有星星、只有你、只有愛。🌌 - 今個情人節💘，去一趟專屬您倆的戀愛星球吧！🚀 由 @dicha_jewellery 和 @couple.murmur 共同設計的18K鍍金戀愛星球純銀項鍊💎，配上鑽石，簡約而不失浪漫💞，完美詮釋愛情的真諦。不管是自己佩戴，還是送給心愛的人，都是一個暖心的選擇。 • 心動價❤️： $850 情人節優惠🎁：$800 （即日至2024年2月14日） * 此為預先訂購產品，將在2024年2月1日出貨 * ⁠現貨有限，賣完即止。 • #香港設計 #香港製造

[gfmurmur11633] 本人女，30歲，男朋友33歲。一齊11年，同居都6年，一齊耐了都好穩定 。好多人成日問做乜唔結婚，我話兩個人一齊點解一定要結婚，而且大家都共識佢喺公司再成功啲先再諗。 入正題，佢因工作關係，半年前開始要飛去外地公司做嘢，但每2-3個月都可飛返香港，之前節日佢都有飛返香港比驚喜我 。到咗2024聖誕，我又飛去佢度surprise佢，逗留十幾日 。平時佢喺外地所有應酬，識咗咩新朋友都會主動同我講，大家都會分享自己嘅生活 。但有樣嘢令我唔太like 。 事源佢租樓，樓下有個女鄰居，37歲，大陸人，叫佢做Q。佢哋經工作朋友識，再發現原來住同一棟 ，識咗2個月左右。我男友同Q玩得好密，因為我男友嚟到冇乜朋友，佢哋多數一班朋友玩，Q喺當地生活咗好耐，成日約到好多朋友一齊吹水玩game(喺屋企/出街)，或者一齊打邊爐(因外地多數自己煮)。我男友都會主動同我講幾時上過Q屋企，同埋有幾多人。而佢都好老實話有時會單獨同Q一齊喺屋企，可能幾個鐘，打個邊爐吹下水，佢哋兩個工作都係同一行業，所以都多嘢傾。Q都知我嘅存在。之前facetime緊，佢都有睇到我哋facetime。 我有時都會串佢：「同條女痴得好埋喎，陣間日久生情啦😂」佢就話：「絕對冇可能，Q老過我，又唔靚，又粗魯，係食唔落嗰隻。」咁我都認同，Q個樣係大陸整容樣，但整完都唔靚嗰種 。 Anyway，聖誕我飛咗過去搵佢，又講起呢個話題，我話：「就睇下你同Q平時whatsapp講咩。」一齊咁多年，我哋都已經懶得check電話呢個行為，但大家有對方密碼 。我見都係正常約出去同班fd食飯，但間唔中又有句，Q講：「你家還是我家？」我知極易惹人誤會😂前文後理係約fd上屋企食飯。我又問男友：「咁你feel唔feel到Q對你興趣先？」因為我自己女人直覺，呢啲大陸女人，真係要提防，我男友又比較遲鈍戇直，佢話：「開頭玩咁埋都覺得有啲怪，但耐咗就當係兄弟，feel唔到啲咩。」 但我睇返啲msg，硬係覺得Q對我男友有嘢，我都當面同我男友一齊分析。例如凌晨兩三點，Q會whatsapp我男友，話：「睡不著怎麼辦？」「突然好肚餓」之類 。佢哋都係好夜瞓，包括我😂 然後我男友隨便同佢對答幾句，Q都冇chur 落去 。我男友同我解釋就話大家都夜瞓，搵對方係呢個時間都正常 。凌晨搵我男友都有4、5次，每次Q主動搵，我男友就極少主動搵Q。我作為女人，如果我唔係對條仔有興趣，我真係唔會凌晨瞓唔著搵人囉，唔知以為你下句想問可否上嚟陪我瞓🙄 仲有我聖誕飛左過去，Q都知，佢都whatsapp話：「哇帶女朋友給我們見見啊」 但我嚟咗唔夠一日，就見到佢IG story post咗啲歌詞：「我總是愛上不愛我的人」之類嘅嘢😂我又串我男友話：「Q係咪講緊你啊？」 我男友話我想太多，Q大把ex。雖然story呢單嘢的確我自己鳩估😂但唔知點解就係直覺。 分析完，我話：「係我先咁好咋，比著其他人，可能即刻要你block佢，唔比你再聯絡，甚至要你搬走啦 」佢就話大家咁多年，都係講個信字 。而我嚟咗之後，Q又真係冇再搵過佢。(好少可，平時幾乎日日搵，而家擺明知我喺度) 我又話：「我走咗，你會唔會主動搵返佢？」我知唔搵好似斷左佢啲朋友咁，佢一個人喺外地，我又唔想佢咁慘 。佢冇答我會唔會搵，我又冇逼佢唔可以再搵😂 最後我話：「成班fd甚至得3個人喺屋企，我都絕對ok，但得你同佢兩個，我真係覺得唔好囉，你又有機會令佢誤會 。」 其實全部嘢係咪我on9幻想太多？但同我哋勁熟嘅fd，知道我哋嘅情況，都成日講笑，話：「條女樣衰姐，但熄咗燈又唔同講法！」 我唔係話好擔心，但有時又會用咗世俗想法or電視劇情節諗佢哋😂佢堅持話對條女零興趣，就算對方有興趣都唔關佢事 😂 但如果條女對佢有興趣，係咪應該主動疏遠啲？唔使日日見咁濟掛。我又唔想逼佢，我哋不嬲唔會逼對方。 Sorry 無啦啦打咗千字文😫🙏🏻純粹想大家留言比下意見，評下理，鬧吓我或者鬧我男友都得 。如果鬧佢，我絕對會叫佢過嚟睇留言😂😂 ———𝐂𝐨𝐮𝐩𝐥𝐞.𝐦𝐮𝐫𝐦𝐮𝐫——
♡投稿請按 @couple.murmur IG主頁鏈結!
#hongkong #couple #lovestory #hkig
#香港 #情侶

•「一人一個乜乜乜」• 上次story收集咗海量令大家下定決心分手嘅moment 。 每個comment都睇到好鬼肉赤， 慶幸而家嘅你哋都已經脱離苦海。 的起心肝整理咗小小精華，為你哋依份勇氣做個紀念。 🩵🫶🏻

[gfmurmur11632] 我哋都係差唔多30歲，男朋友大我兩年。我嘅工作比較自由彈性，多勞多得嘅工作模式。一開始我哋嘅相處都好甜蜜，我哋接近每一日都會見面。疫情過咗之後，我工作正常返，自由工作有淡季旺季，所以一有機會我都會做咗嘢先。男朋友工作嘅時間穩定啲，亦有固定嘅假期，但有時工作關係，真係就唔到佢放假嘅時間。有時我有時間，佢又安排咗其他事務，但係永遠都只有佢話我，我雖然唔開心，但都唔會點話佢，因為我覺得我自己好似係呢段關係永遠係地位低啲，自己有時都夾唔到時間，好似冇資格要求。 如果我有幾個鐘頭冇覆，男朋友反應會比較大，所以我就算忙，一有時間，都會即刻覆返做緊啲咩，或者影返幅相俾佢睇，當分享吓生活咁。佢有時都冇乜回應㗎，但我會想同佢分享，俾佢知道下我做緊咩，亦都希望避免佢覺得我忙就忽略咗佢。 但係調返轉，佢可以全日都唔覆我，或者大半日都唔覆，我有時都等得幾辛苦。雖然都知嗰幾個鐘真係做緊嘢，但心裏面心又覺得再忙，lunch 都可以覆，但有時真係唔見影，但我又唔敢話佢，唔敢出聲。 我係覺得因為自己都唔係經常能夠放下工作陪佢，所以你都冇資格要求佢經常陪我，但係長遠來講，我都覺得咁樣有啲辛苦。 喺做嘢方面，其實我返多啲工都係想有多啲金錢資源一齊去玩，有時出去食吓嘢，可以多啲budget,因為我哋全部都係AA, 同埋始終生活都要金錢支持，所以就算係自由彈性嘅工作，有時真係好難完全就到時間表，但係佢好似唔理解我嘅難處，可能因為我嘅自由彈性，令佢覺得我唔重視佢。 咁樣真係有啲辛苦，點樣可以改善呢？係咪一開始唔平等，之後都會係咁😩 ———𝐂𝐨𝐮𝐩𝐥𝐞.𝐦𝐮𝐫𝐦𝐮𝐫——
♡投稿請按 @couple.murmur IG主頁鏈結!
#hongkong #couple #lovestory #hkig
#香港 #情侶

[bfmurmur1874] (#bfmurmur1813 + #bfmurmur1861 續) 多謝各位巴打絲打的留言,小弟全部都有睇。 我真係估唔到我嘅故事可以寫到第三部曲。 自從2024年4月尾我同嗰女同事不愉快咁分開之後，佢再冇理過我或者同我講嘢，雖然大家仲係同事，但係我哋個關係仲疏離過街啲陌生人，佢冇block我whatsapp, 但佢hide 所有online status 等等，我大時大節會send 一兩個message 比佢，但佢都係已讀不回。記得我舊公司last day 嗰日，佢請咗 sick leave, 我都冇辦法同佢係公司office 影張相留念。 到咗2024年7月底，我正式離開咗舊公司，揾咗好耐工，終於係10月去咗間新公司，雖然係好多方面新不如舊，我都冇法子，而佢就繼續係舊公司度做。佢係我初戀，呢段時間，我其實都好唔開心，未放得低佢，所以都冇新對象。 去到2024年12月中，我記得佢生日，我就手痕咁向佢send whatsapp 祝咗佢生日快樂，佢很快就覆我一句，話多謝我仲記得佢嘅生日，我客套咁祝佢一切安好，佢就話佢都係。 我完全冇諗過佢會覆我，我最初只係希望佢有機會睇得到我嘅信息，而正正就係佢覆我，我同佢開始返whatsapp 對話(到宜家一星期）。 我同佢對話嘅內容，都比較casual 為主, 冇乜傾deep 嘢。係我同佢嘅對話中，我同佢都冇刻意提起我哋分開既不快經歷(都已經發生超過咗半年)。因為2024年4月尾嘅分開對於我同佢係好痛苦心撕力歇嘅經歷，一來我暫時再冇咁多情感可以拎出嚟，二來我好驚我向佢投入太多情感後被佢再次拒絕或者傷害，我冇再好似以前咁投入同佢whatsapp對話中 ，我覆佢覆得冇咁多冇咁密，我暫時亦都冇任何意欲再約佢出嚟行街食飯，佢都冇hea 覆我，亦都冇chur 我。成件事就係我同一個我好熟悉嘅人whatsapp，但感覺就好陌生。 我覺得我係上一段同佢嘅關係入面有好多做得唔好嘅地方，上天好似比我一個機會去修補一段破裂嘅關係，但另一方面，我記得佢講過愛過不能成為朋友，佢上次決絕離開我就係要我死咗條心，宜家佢知我放唔低佢嘅情況下，再同我有connection。我本來以為同佢傾返偈，我會好開心，但真係發生嘅時候，我又感到百感交集。 有冇人遇過類似嘅情況？對方堅持當你係朋友，不愉快咁同你分開，你放唔低對方，最終對方願意同你重新接觸，究竟係我嘅角度，我可以點樣做？ ———𝐂𝐨𝐮𝐩𝐥𝐞.𝐦𝐮𝐫𝐦𝐮𝐫——
♡投稿請按 @couple.murmur IG主頁鏈結!
#hongkong #couple #lovestory #hkig
#香港 #情侶

[gfmurmur11631] 今日為止我地一起左一年八個月，頭半年一年，我一路都好欣賞佢，見到佢我隻眼都會發光，感嘆遇到相愛嘅人又可以好好相處好唔容易。我本身講野好細聲，每一件事佢有煩惱唔開心我都會安慰佢氹佢。 係差唔多7個月前，約左個朋友食飯閒談，傾傾下各自嘅事業後，好自然大家都會問對方嘅感情狀況。 而呢位朋友係識我男朋友嘅（但唔熟），佢都識佢哋果個圈子嘅人，而講到我男朋友嘅過去嘅時候，我見到呢位朋友嘅申請係欲言又止，跟住我就開始追問，（因為男友之前有講過自己嘅過去所以我100%信任佢無嘢呃我、sp、fwb etc），都講過亦都嘈過同時間佢 block曬過去有發生關係嘅人。 追問下 呢位朋友同我講男朋友嘅ex係一位有夫之婦，仲有兩三個小朋友。果個moment我呆左，唔知應該用咩表情去回應呢件事。果日開始我就好無安全感，成個人好暴躁，一點就著。（無辦法接受對方有過sp fwb 但係都理解每個人有需求但無另一半，因為足夠愛佢所以接受呢件事後亦無再提過） 一切就係知道呢個ex開始（佢都承認左對方確實係有家庭），就無辦法再信任眼前呢個人，想知道係因為自己道德觀問題，定係呢件事根本係唔可以被接受？另一半嘅過去應唔應該在意？如果係你地你地會點？ 由呢件事開始我心入邊確實係有條刺，唔清楚眼前嘅呢個人幾時會再做出一啲過份無底線嘅嘢，唔知佢幾時可能會出軌。 ———𝐂𝐨𝐮𝐩𝐥𝐞.𝐦𝐮𝐫𝐦𝐮𝐫——
♡投稿請按 @couple.murmur IG主頁鏈結!
#hongkong #couple #lovestory #hkig
#香港 #情侶

[gfmurmur11630] 我同我男朋友一齊咗今年第四年，佢而家26歲。 大家平時相處都幾恩愛 視對方為結婚對象。但呢一年我發現佢發福發得好犀利，可能係開始做嘢之後慢慢越嚟越有中年肥胖 塊面都肥咗唔少。 跟住我就睇返我哋啱啱識嘅時候啲相 發現佢個樣唔同晒 (就係走咗樣 唔知係咪男人開始做社畜都會咁😅) 之前有肌肉 而家就得肚腩… 當然我唔會淨係因為啲咁膚淺嘅原因分手啦 我都仲係好似平時咁愛佢 只不過望住佢就真係冇乜性慾 或者連吸引力都冇乜… 因為我當初識佢嘅時候佢根本唔係咁嘅樣🗿佢而家都仲有一個禮拜做一兩次gym嘅不過唔知係咪新陳代謝越嚟越慢 所以都係越嚟越肥。 我覺得其實就算係拍拖耐咗都有責任為另一半keep 住個樣 令大家都仲會被對方吸引 自問我一直以來都有keep好身材 所以真係有少少接受唔到佢而家中年發福走樣走到咁…但呢啲咁嘅問題我又覺得唔知點開口好？甚至乎係有冇必要同佢講呢？🤔 想問吓大家意見。 ———𝐂𝐨𝐮𝐩𝐥𝐞.𝐦𝐮𝐫𝐦𝐮𝐫——
♡投稿請按 @couple.murmur IG主頁鏈結!
#hongkong #couple #lovestory #hkig
#香港 #情侶

[gfmurmur11629] 隔咗兩年先至講出嚟，忍咗好耐。 一開頭同我前男友一齊，一開波佢就比佢IG我睇，其實目的就係想俾我知佢有上電視拍都是閑情教煮餸，同埋有拍廣告😂 之後一齊咗冇耐成日掛喺嘴邊話自己係半公眾人物，所以言行要注意啲。 疫情期間識佢嘅，佢話佢爭出面銀行周身債，日日都要揸Uber搵錢。咁我都盡女朋友責任為佢分擔債務。但係呢個男人真係超孤寒，有時答佢車出入佢都會計返我Uber 價錢。如果嗰日係用咗啲時間嚟陪我都會要我過返錢俾佢，當係包咗佢嗰日時間⋯⋯ 總之係同佢一齊嗰段時間，好多錢都係我比，完全係貼佢，就連我本身收埋啲金器，當時佢話想做生意想同朋友夾錢，我都賣咗俾咗三萬蚊佢。我知對大家嚟講好少，但係我俾咗所有積蓄。 我對佢都真係百般寵愛，買俾佢嘅衫唔係名牌，但係都Tommy ，A&F。總之都唔會係太cheap，佢話要打扮自己，因為始終係半公眾人物😂我都唔介意買俾佢。最搞笑係有件衫，雖然係男裝但係我係買俾自己嘅嗰啲針織開鈕衫，佢都成日攞嚟着，以前一齊緊就冇所謂啦。 呢位所謂半公眾人物，同佢一齊期間係咁話我肥，係咁話我係佢一齊過最醜樣嗰個。搞到我都抑鬱精神病要睇精神科同心理醫生，醫生都話我似係厭食症。我163高，最瘦嘅時候得87磅。佢都仲係話緊我肥，叫我做運動⋯⋯ 俾佢咁樣迫法而家係超憎做運動。 呢段關係入邊我太多傷害啦，其實講咗100萬次，只係想要佢出去拍嘢或者工作忙碌嘅時候講聲，咁我都唔會去煩佢。成日搵唔到人都算。成日同我“分享日常”嘅時候，一涉及佢嗰日接觸嘅女性，佢講啲嘢真係好核突，好唔尊重女人。成日話覺得條女好冧佢仲要講到好肉酸，成日講覺得人哋對住佢濕晒⋯咁你想我咩反應呢？能夠得到佢嘅寵幸，我要謝主隆恩？ 同佢一齊大半年，我發現佢社交平台根本冇刪除過佢ex嘅相，我有一次好奇底下攞佢手機睇，嗰刻真係崩潰，佢地啲床照佢都保留喺度。嗰陣時同佢講分手，但係佢又講到有幾愛我，所以後尾都繼續一齊。一齊返之後我問佢點解唔刪除社交平台公開俾人睇嘅相，咁始終我而家先係佢女朋友，之後佢就好不屑刪除咗。 去到我哋關係嘅尾段，由於我有段期間瘋狂食減肥藥，咁因為我亂咁食減肥藥嘅關係，不知情嘅情況底下食咗某啲禁藥，導致我有幻聽幻覺。咁當然係即刻睇醫生啦。其實嗰段時間都好辛苦。唯一就係呢段時間我有經常視頻我前男友，因為佢唔喺屋企嘅時候我聽到幻聽，所以我驚。咁我都承認我呢段時間都幾騷擾佢工作嘅to be Fair。 講真，佢係同我一齊期間講咗好多佢以前嘅嘢俾我聽，例如佢點樣每一段關係都係偷食再偷食，例如佢以前係吸毒者，再同我講佢以前點樣周圍同人約炮。總之講到好難聽，講俾我知話啲女點樣見到佢就好猴擒。其實作為女朋友都幾難受。佢就話俾我知選擇我因為我對佢真係幾好，連佢阿媽身子比較多病，我都會陪佢阿媽去複診，甚至會幫佢阿媽沖涼。講真我本身都比較自卑，我好記得佢同我講過佢揀我，因為我平庸。佢話同過一啲好靚嘅女仔一齊會好冇安全感，同我一齊就唔會。佢都有話過我靚，不過佢就話我係平庸嘅靚囉。😂同我一齊唔會有負擔。 可能因為覺得我係一個負累，冇幾耐之後，佢就同我講啲好奇怪嘅對白。佢話覺得我個人比較內向同埋摺，幫唔到佢事業。又話如果有個富婆包養佢，仲可以比到好生活佢，咁我願唔願意同意佢俾人包。話覺得自己都30中30尾，如果而家有富婆包佢，有錢女鍾意佢，已經係最後機會去做呢樣嘢。問我願唔願意比兩三年時間佢搵錢，之後再同返我一齊。 之後無啦啦又話想轉行做保險，佢本身係中三輟學學廚，但係無啦啦話想讀返個保險牌。講完呢啲奇怪嘅對白，冇幾耐就分手。佢就突然之間喺我屋企執走晒所有嘢同我分手。嗰陣時相機，iPad佢全部都攞走晒我嘅。連我嗰件Tommy嘅男裝針織開鈕外套都攞走埋⋯ 件事搞到好肉酸，最後要我阿媽幫我手WhatsApp佢，佢都係覆我話唔會還。分咗手之後冇幾耐我就見到佢社交平台刪除晒我嘅相啦。快到閃電俠咁跟住之後就見到佢好快就post佢新女朋友。 最嬲係咩呢？佢新女朋友係咁着住佢喺我嗰度偷嘅Tommy針織褸。我頂你呀⋯你溝女還溝女呀，你攞我件褸俾你條女着冇病啊？可能你哋話我黐線，但係最後我係不斷咁樣逼佢俾返件褸我。件衫我真係好鍾意嘅同埋好侮辱。 我都明白我前男友點解選擇而家個女朋友，佢而家個女朋友都係家族式保險生意，嗰個女仔鋪晒上IG Fb，驚死人哋唔知MDRT,COT。同埋佢都有喺電視台度拍嘢，好似仲曾經選過港姐不過落選咗。諗返起佢嗰陣時同我講嘅奇怪對白，我開始意識到，佢應該係無縫接軌甚至係可能一腳踏兩船。一年後佢現任發咗一周年紀念嘅相。證明咗我嘅猜測係啱，睇返佢啲IG post，佢仲同緊我一齊嘅時間同佢哋嘅周年紀念係搭住。所以渣男始終係渣男。 好快我就識咗我而家嘅男朋友，我而家嘅男朋友都好錫我。點解等咗兩年先至講出嚟？因為而家都仲會發惡夢。我終於忍無可忍想發洩吓。多謝大家，聽我1999 🙏🏻🙏🏻 ———𝐂𝐨𝐮𝐩𝐥𝐞.𝐦𝐮𝐫𝐦𝐮𝐫——
♡投稿請按 @couple.murmur IG主頁鏈結!
#hongkong #couple #lovestory #hkig
#香港 #情侶

[gfmurmur11628] 同男朋友7年幾，我哋以結婚為前提拍拖，我哋依家只係爭張婚紙，佢話想買咗樓之後先結婚，但係我已經28，唔想再拖落去。 佢以前嘅女朋友每一個都係樣靚身材正，但係我好矮皮膚好差好黑唔會化妝打扮，完全唔係佢鍾意嘅類型，我對佢係一見鍾情但完全冇諗過會同呢個人有發展機會。 我月入30,000，佢月入5-60,000，我哋每個月每人都會拎1萬出黎擺户口儲錢，唔知幾時先可以捱到個首期。我唔想咁遲先結婚，我有同佢傾過呢個問題，我相信佢唔會辜負我，但係佢答我個名分真係咁重要咩？ 雖然我哋仲係拍緊拖，但已經好似老夫老妻咁，我同佢屋企人一齊住，關係都唔錯，平時男朋友唔得閒，我會同兩老一齊出去行街食飯。 我為咗快啲儲錢，宜加其實都冇咩機會同佢拍拖，每一日都係工作工作工作，加上我同佢放假嘅日子都唔同，就連上年佢生日我哋都唔係一齊過。 我同佢都係絕對信任大家，比好大自由度空間大家，我諗呢個就係佢同我咁長久嘅原因，佢身邊好多朋友去邊度都話要問過女朋友/老婆先，雖然係咁，但我覺得佢都會羨慕人，佢兄弟既女朋友好可愛好靚又識打扮，呢個女仔屋企好有錢，每次同佢出街都係唔同嘅名牌袋，成身都係名牌，我見到佢同我真係好鮮明嘅對比，好大落差，我都好羨慕呢個女仔，佢兄弟係對女朋友超級好嘅人，當佢女朋友公主咁錫，成日會氹女朋友開心，過時過節會諗好多驚喜禮物送俾女朋友，而我男朋友從來都唔會同我過節，更加唔好話送禮物，自從佢識咗呢個兄弟之後，可能佢都唔想我同人有比較，佢終於送禮物俾我，果然係近朱者赤。 我男朋友比較大男人，我地情侶角色好似掉轉咗咁，佢一直都係上把位，曾經佢有講過如果分手嘅話佢唔會氹返我，令到我好傷心，其實呢個人都唔係咁愛我，可能係因為我好適合做結婚對象？ ———𝐂𝐨𝐮𝐩𝐥𝐞.𝐦𝐮𝐫𝐦𝐮𝐫——
♡投稿請按 @couple.murmur IG主頁鏈結!
#hongkong #couple #lovestory #hkig
#香港 #情侶

[gfmurmur11627] *知道我係邊個請勿相認*長文慎入 講下背景先，我地係Les Couple，係交友app識左幾日見左兩次就一齊，唔夠4個月佢同我求婚，一齊左一年嘅時候結婚，係所有人眼中我地係童話式戀愛，佢真係當我係小公主咁寵我，而且係好sweet同命中注定嘅一對。係所有人眼中佢係一個好好先生，佢唔單止讀書工作叻，仲好浪漫好專一好錫另一半，大家都覺得佢好完美。其實我都係咁覺得，但跟住落黎所發生嘅事真係令我好崩潰。 今年年中我地都轉左新工再加上又讀書，半工讀嘅情況下所以大家都好忙，見面嘅時候少左好多。(因為家庭原因，雖然我地結左婚但係仲未同居。)佢平日忙工作，每星期得星期六要返學。而我忙到嘅程度係一星期有四晚平日都要返學，除左正職外我星期六日仲會返part-time，所以我每星期只有一晚係得閒。一開始大家都會係呢一晚見面，但最近呢一兩個月開始，我地連每星期唯一一晚嘅見面機會都無埋。我約佢，佢永遠淨係同我講讀書同工作都好忙唔得閒，所以我地一個月只係見得3次。雖然未同居但對已婚嘅夫妻黎講係一件好唔正常嘅事。 我後尾忍唔住因為見面見得小而同佢嘈左幾句，佢只係一直敷衍我話佢真係好忙，係咪真係忙到連少少見面嘅時間都無？因為佢忙到嘅情況係每晚最後覆我嘅時間最多係夜晚7點然後就會開始消失唔見人，直到第二朝先再同我講早晨。我心入面開始產生左啲懷疑。因為讀書嘅關係，佢借左佢部電腦比我用，而佢電腦有連到佢email ac，咁岩比我發現佢有一晚買左戲飛睇戲，但套戲唔係同我睇，而咁岩我個晚係得閒嘅，佢亦無同我講過去睇戲。我去質問佢，佢話只係同同事睇戲，我問佢點解唔話我知，佢話因為個排我地成日嘈交所以唔想同我講。之後係同一晚，我有朋友同我講: 見到佢係街拖住另一個女仔，不過唔知有無認錯人。個陣佢已經兩個幾鐘無覆過我，我就一直打比佢，打左半個鐘佢先聽，我問佢去左邊，佢話係屋企沖緊涼，咁始終我朋友無影到相，唔知係咪真係佢，所以我選擇相信佢。 我地之後有次嘈得到勁，佢嘈到又話要離婚又話要靜下，叫我呢段時間都唔好搵佢。我內心又開始產生懷疑，但女人嘅直覺真係好準。我忍唔住開佢電腦睇佢Google Drive，我諗我呢世人最後悔嘅就係咁八卦睇左，但紙係包唔住火。我係上面見到好多cap圖，全部都係flirt女同精神出軌嘅證據。佢flirt女仲要唔止係一個，有啲我係唔識嘅，亦有佢而家讀書嘅同學同佢嘅舊同事，而係對話當中，啲女仔全部都知佢係有老婆。咁我知道一隻手係拍唔響，所以我唔會全部都怪曬啲女仔。而佢精神出軌嘅證據，更加令我覺得心寒。佢精神出軌對象係佢公司head，點解我會知？因為佢有一張cap圖係叫外賣，佢仲同個步兵講佢係幫老婆叫外賣叫人打個個電話搵佢老婆就得，之後步兵覆返係咪呢個電話號碼，但個電話同地址都唔係我。 我睇到以上種種cap圖真係即刻崩潰，之後我控制唔住自己走去質問佢，一開始佢仲死口唔認，直至我拎到啲證據出黎佢先無話可說。佢話佢flirt女係因為無聊，佢咁無聊又唔見佢flirt下我呢個老婆？至於佢一直否認精神出軌，係佢眼中覺得佢自己由始至終都無做過啲乜連拖手都無。我地嘈左好耐，佢問我究竟想點話唔鍾意自己一路比人check住一路問，佢話如果我要繼續糾纏落去佢寧願離婚，而家有錯嘅明明係佢但係佢仲可以理直氣壯話離婚…? 我問佢究竟有無當過我係老婆，佢話如果係唔愛我嘅話就唔會係我身上洗咁多錢，嘈嘈下佢就係度同我計較錢。(因為佢搵嘅人工係我兩倍有多，所以日常開支同出街洗費大部份都係佢出，佢亦好捨得洗錢係我身上，有時會送唔同嘅名牌比我，我隻結婚戒指仲價值6位數..)我知一講錢肯定係我輸。 到後尾佢話要瞓覺唔想再同我嘈落去，因為繼續嘈都唔會有結果所以當晚佢好安心咁大覺瞓，而只掉下我自己孤伶伶，我真係唔知自己做錯啲咩令佢要咁對我。佢成日話我好惡成日都鬧佢，所以當晚我有反省過自己，係咪因為我真係無其他女仔咁溫柔而令佢要搵其他人。我仲打左篇千字文好卑微咁想留住佢。 個一晚對我黎講真係好漫長，我真係有諗過自殺，但我咁辛苦咁努力行到呢一步，我唔甘心就咁樣去結束我所擁有嘅一切。去到第二朝佢主動搵返我，我要求佢做嘅野佢都配合，佢亦應承我話會同所有女仔斷絕曬關係，到最後我選擇比多一次機會佢。 其實我內心都掙扎左好耐，我地結婚未夠一年，同埋我知道佢真係愛我同埋為我付出左好多，又或者係因為我唔甘心，唔希望將自己段婚姻就咁敗係呢班女人手上。雖則我原諒左佢，心入面已經一直有條刺係度，所以依家每逢佢有啲小動作同埋講過嘅一兩句說話，都會令到我個人變得好敏感。我就會開始係度質問佢又同邊個女仔有關。咁當然，佢又話我係度發癲。其實我都唔想咁諗，但我個腦真係唔受控制。 我好珍惜呢一段婚姻，但同時間我真係忘記唔到佢對我所造成嘅傷害，我而家真係唔知可以點做好。 ———𝐂𝐨𝐮𝐩𝐥𝐞.𝐦𝐮𝐫𝐦𝐮𝐫——
♡投稿請按 @couple.murmur IG主頁鏈結!
#hongkong #couple #lovestory #hkig
#香港 #情侶 (👷🏾‍♂️以上故事只作討論，本專頁不鼓勵任何自殘行為。如受情緒困擾請盡快尋求專業支援。)

[gfmurmur11626] 我今年24歲，女仔。 我同另一半一齊咗約三年，我地都有穩定嘅職業，都有結婚嘅打算，近排發生咗幾件事令我開始諗 同唔同對方行落去好。 第一件事，有一次我哋約咗一班朋友去野餐，我另一半負責買食材用品，我當時返緊工所以由佢自己買，然後佢WhatsApp 我講想我資助$200俾佢買食材，我冇特別問 買咩直接payme咗錢俾佢，之後我問返佢，咁啲食材錢係咪會除返公數，佢好大反應問點解要除公數，食材少少錢唔需要計，仲嗌咗場大交，我覺得勁奇怪，於是我再追問佢先知原來佢用啲錢買咗自己嘢，例如野餐凳，而我覺得係唔需要….. 但系佢一開始系同我講話買食材。 第二件事，我哋平時拍拖食嘢，都係一人比一餐，又或者係AA，之前一直用呢個模式相處都相安無事，我近排加咗人工，所以收入高過男朋友少少，有一次我地去食壽司，食完之後我提出不如AA，佢一開始話冇問題，我俾返一半佢嘅時候，佢就要求我想我俾多少少，講咗好多次，之後仲話「你人工咁高，出多少少」個語氣好似講笑咁，但係我聽到唔係咁舒服，好似理所當然人工高，要出得多啲咁。 我男朋友之前有養車，有時拍拖都會揸架車車埋我出去挽，我自己冇車牌，之前男朋友會問我資助佢油錢，話有份坐想我幫手出返少少，咁我有出返少少，我覺得冇問題嘅，但就唔應該當係理所當然！ 近排發生呢幾件事，令我好擔心自己結婚嘅將來，而家未結婚，已經因為少少錢而嗌交，又講大話，又理所當然要我出多啲錢，我知道到時結婚組織一個家庭要用好多錢，如果又發生類似呢啲問題，我應該會頂唔順，而家諗到我哋嘅將來就覺得好驚，我唔想到時成日嘈交🥲 ———𝐂𝐨𝐮𝐩𝐥𝐞.𝐦𝐮𝐫𝐦𝐮𝐫——
♡投稿請按 @couple.murmur IG主頁鏈結!
#hongkong #couple #lovestory #hkig
#香港 #情侶