와이와이｜Y小編🦋

#852hkfood新蒲崗 大家萬眾期待嘅新蒲崗米線合集終於有得睇啦！因為費時條片太長，盡量精簡咗，想詳細啲睇返文字食評😆 今次嘅米線合集排名分先後 第一間🌟 @autumn10ten 秋拾米線 炭燒豬頸肉米線 $65 秘制酸辣湯•bb辣（最輕微）轉通心米線 久仰大名咗好耐，終於食到佢！佢哋嘅湯底帶甜味，覺得下次可以食小辣！通心米線好特別，比平時嘅米線更有咬口同粗身。炭燒豬頸肉真係好好味，分量多，外層燒至焦脆，入口爽彈，食完會想再食！ 第二間🌟雲川小鍋米線 雲川米線（墨魚春卷、墨魚頭、麻辣腩肉）$53 酸辣加$2 第一啖先飲湯，真係夠晒酸！但因為我自己本身幾鍾意酸味嘅嘢，所以我頂得順，覺得好過癮！係夠酸夠辣！墨魚春卷有腐皮包住，幾彈牙～墨魚頭好爽口，腩肉肥瘦相間，最出色都係佢個湯底！ 第三間🌟滇二哥雲南米線 酸辣米線 $60（黑木耳、雞絲、秘製豬軟骨） 今次叫咗小辣，呢間嘅辣度係比平時食嘅更辣😂黑木耳切成絲，食落更爽口！縣 雞絲雖然分量多，但真係好嚡，要浸耐啲湯先得～豬軟骨好食！軟腍又入味 第四間🌟 川品雲南米線 @panda_yunnan_restaurant 小鍋米線 酸麻辣湯 （雞肉、嫩雞柳） 食晒4間之後真係會有明顯對比，川品可以話係最冇記憶點嘅一間，不論湯底定係餸，都係正正常常嘅味道，冇話特別驚豔。不過個人係幾鍾意佢哋嘅炸豆！ 秋拾米線 (新蒲崗) 新蒲崗康強街34號康強洋樓A座地下8號舖 雲川小鍋米線 (新蒲崗) 新蒲崗衍慶街35號地舖 滇二哥雲南米線 (新蒲崗) 新蒲崗景福街57號地舖 川品雲南米線 (新蒲崗) 新蒲崗康強街17A號地舖 #新蒲崗 #新蒲崗美食 #新蒲崗搵食 #新蒲崗搵食地圖 #米線 #米線關注組 #米線控 #酸辣米線 #墨魚頭 #豬頸肉 #通心米線 #秋拾米線 #雲川小鍋米線 #滇二哥雲南米線 #川品雲南米線 #川品 #豬軟骨 #墨魚春卷 #腩肉 #招牌腩肉 #小鍋米線 #雲南米線

#852hkfood深水埗 上星期同事喺深水埗買咗均香餅家嘅開心果糯米糍，食咗一啖真係驚為天人！忍唔住星期六再去多次深水埗專程買嚟食！所以就有咗今次呢條片啦～ 均香餅家 🌟開心果糯米糍 $12 ‼️我自己未食過其他鋪頭嘅開心果糯米糍，對比唔到。但係均香嘅開心果糯米糍真係好正，首先佢個糯米皮係好軟糯，極度拉絲！入面有開心果嘅堅果香，入口仲係脆卜卜！自己覺得甜度剛剛好～ 🌟芋泥糯米糍 $8 ‼️ $8咋！！又係一樣咁拉絲（Nice），入邊嘅芋泥係好綿密，相對嚟講會冇開心果咁甜，好食！ 佢哋仲有個開心果角仔，諗住問吓姐姐最少要買幾多，點知佢勁好人咁請我食咗一粒😭😭咬開又係滿滿開心果，仲有人情味呀！ 鴻發涼茶 🌟芋頭餅 $8 ‼️呢間自己book mark咗好耐，就係為咗佢哋嘅芋頭餅！入邊係超多芋頭粒，打開大爆餡！食落有少少食到朝早飲茶嘅茶點feel，係鹹味偏多～ 公和荳品廠 🌟豆腐花 ‼️可以揀細或大，仲可以自己落黃糖，咁就唔使怕太甜啦～我覺得呢度嘅豆腐花豆味都幾出，不過唔係屬於滑溜嗰type 🌟豆腐奶凍 ‼️最期待就係呢個！不過食落感覺佢奶味蓋過咗豆味，似食緊奶凍多啲～不過口感都係好滑溜～ 均香餅家 (深水埗) 深水埗北河街203號地舖 鴻發涼茶 (深水埗) 深水埗北河街128號地舖 公和荳品廠 (深水埗) 深水埗北河街118號地舖 #香港美食 #yummy #探店 #美食 #follow #foodie #深水埗 #深水埗美食 #北河街 #深水埗餐廳 #均香餅家 #開心果糯米糍 #開心果 #糯米糍 #開心果關注組 #糯米糍關注組 #鴻發涼茶 #芋頭餅 #芋頭 #芋頭控 #芋泥 #芋泥控 #角仔 #公和荳品廠 #豆腐花 #豆腐奶凍 #奶凍 #甜品

#852hkfood石硤尾 呢條片絕對可以話係嘔心瀝血！因為想快啲出，局限咗喺手機剪片，我諗今日應該用咗超過三個app上字幕+手機重新開機五次以上+上咗三次以上嘅字幕…希望大家會鍾意！真係我嘅心血嚟😭鍾意嘅話，麻煩幫我like加share💖💖 終於去咗石硤尾南山邨搵食啦！第一站去咗搵燒賣婆婆，尋晚我係11點到南山邨，影完食晒四間好出名嘅美食，時間係凌晨一點😂足足用咗兩個鐘嚟排隊…真係超級無敵多人 🌟燒賣婆婆 ‼️勁好彩第一次去就見到燒賣婆婆有開！呢度嘅燒賣有分三款，分別係牛肉燒賣，魚肉燒賣同埋豬肉燒賣，但係因為牛肉燒賣已經賣晒🤣所以我淨係食到魚肉同豬肉燒賣～（老實講，我覺得豬肉燒賣食落去似魚肉燒賣，只不過比較大粒😂 🌟車仔檔（必食酸辣粉，豆卜，八爪魚，陳皮魚蛋） ‼️因為尋日係同朋友一齊去，佢哋就係住喺石硤尾，呢個車仔檔，佢哋話已經好耐冇見佢！同埋真係最好食嘅嘢🤣🤣車仔檔嘅辣汁係精華！豆卜索滿晒湯汁好正！同埋最欣賞佢哋嘅八爪魚，超級彈牙又好入味😭😭如果有肚嘅朋友仔可以食埋佢哋嘅酸辣粉～ 🌟雞蛋仔 ‼️$10 雞蛋仔只可以話冇投訴，都有蛋香味嘅，不過聽聞好似格仔餅比較出名（可惜排到我嘅時候格仔餅已經賣晒） 🌟白汁冰 ‼️排得最耐嘅應該係呢個白汁冰（我諗至少一個鐘以上）但係真係好好食！！我叫咗白涼粉黑涼粉雙拼，只可以話好鍾意佢哋嘅白汁冰，白汁冰其實即係雲呢拿冰，不過沙冰嘅顆粒比較大，係偏甜㗎啦（但又真係好好食）朋友話佢哋嘅西米係煙煙韌韌（可惜到我嘅時候西米都係賣晒🫣🫣）建議大家早啲去！

#852hkfood甜品 開頭要同 @sainthonorehk 講聲對唔住先😂內容太真實（因為自我長大後，買過幾次唔同品牌嘅切餅都會中伏）所以先講出平時經過都唔會買呢句🤣🤣🤣但係！！咁先突出到夠真，因為我嚟緊介紹呢個，係真係好好味🥹🥹 🌟特濃朱古力切餅 $26 👉🏻痴咗線🥹🥹如果唔係姨姨請我食，我諗我一世都唔會知原來聖安娜呢款切餅係咁！好！食！ 👉🏻面頭有大量嘅可可粉，入面嘅蛋糕體係好濕潤，每啖都食到朱古力嘅濃厚，甜中帶苦，所以食晒都唔覺膩 連我隔離嗰個超級腌尖嘅都大讚，返轉頭再買🤣可想而知，呢個切餅有幾正！快啲去試吓～～～ #甜品 #蛋糕 #聖安娜 #聖安娜餅屋 #朱古力 #朱古力控 #朱古力蛋糕 #香港美食 #甜品控 #甜品店 #蛋糕 #蛋糕店 #特濃朱古力 #特濃朱古力蛋糕 #cake #dessert #chocolate #chocolatecake

發覺自己好多頸鏈，反而手鏈真係唔多。最近發現到呢間莫桑石首飾品牌@dinceyofficial，佢係香港註冊公司同ISO 認證，生產線擁有超過10年經驗，產品質量穩定有保證✔️ 最初我都唔係好知咩係莫桑石，💎莫桑石主石採用D色、VVS1-2淨度、3EX 切工頂級莫桑石，外形同天然鑽石非常相似(事實上比鑽石更閃，是目前最閃的寶石），比紅寶石硬。 👉🏻今次戴嘅呢款係💎Starry Coronet 莫桑石純銀手鏈 👉🏻款式簡約，但真係好閃令令，無論着咩衫都襯到，基本上日日都會戴住佢😍而且佢係925 純銀材質，防敏感（沖涼，瞓覺戴都冇問題） 👉🏻手鏈會有包裝盒⁠，除完之後唔使周圍擺怕唔見～想用嚟送禮又得✔️諗住遲啲買多條送俾媽咪做母親節禮物🥰 💎店舖連結：https://www.dincey.com

#852hkfood超市 真係好鍾意行超市，每次行都有收穫！今次喺donki @dondondonkihk 發現呢款醬油味嘅金針菇茸，價錢唔貴，又買嚟試吓🤣 🌟醬油味金針菇茸 $27.9 👉🏻佢嘅建議食法係配冷豆腐或者蘿蔔絲，但我見到佢嘅第一下，腦海入邊浮現出嘅食法係：紫菜飯包金針菇（絕對係受到小野人嘅黑松露烤飯啟發🤣） 👉🏻嗱！真係正㗎，好食㗎！買原味嘅紫菜，口感脆，加少少白飯，再放半匙羹嘅金針菇茸，哇，癲🤣食落有紫菜香脆嘅口感，金針菇茸有醬油嘅調味，夠鹹（會有少少酸），但仲食到金針爽脆嘅口感，我覺得幾好食😎包住紫菜咁樣食，係超正嘅下飯神器👍🏻除咗我呢款食法，我諗有時煮吓撈麵/米粉，加落去一樣好食！ #donki #donkidonki #超市 #超市美食 #美食 #金針菇 #金針菇料理 #金針菇茸醬 #日本 #日本超市 #醬油 #下飯 #下飯菜 #下飯神器 #下飯料理 #紫菜 #紫菜包飯

#852hkfood觀塘 由之前喺觀塘返工做嘢，由佢係駱駝漆搬去地舖，終於終於都食到佢🤣🤣拖咗咁耐係因為太多人，唔想排隊 之前喺附近食完嘢，見佢喺隔離又唔使排隊，真係天助我也 @gantohk 🌟gelato small 2 球 $43 👉🏻今期嘅新口味有好多，比較特別係有冰糖葫蘆，都可以試食～試完之後我就揀咗開心果同大米！食完之後係極度後悔點解咁遲先幫襯？😭😭😭也太好吃了吧！ 👉🏻推爆大米味！本身自己都幾鍾意食大米味嘅產品，食落有浸淡淡嘅米香，而且仲有啲米粒喺度，口感層次都好豐富，主要係一啲都唔甜膩！ 👉🏻開心果味更加唔使講，又滑又香又醇，女仔嚟講食兩個細球都夠，會想再食😭😭😭 GANTO GELATO (觀塘) 觀塘偉業街180號Two Harbour Square地下2號舖 #觀塘 #觀塘美食 #觀塘老母 #觀塘搵食 #觀塘搵食地圖 #gantogelato #gantogelato觀塘 #gantogelatohk #ganto #gelato #大米 #開心果 #開心果控 #開心果關注組 #開心果雪糕 #開心果冰淇淋 #開心果甜品 #雪糕 #甜品 #甜品控

作為Tom and jerry嘅忠粉，一收到風 @mcdonaldshk 開心樂園餐係出佢哋嘅玩具 第一日即刻換晒2隻玩具🥰 雖然膠膠哋，但對住佢哋我真係零抵抗力🥹 準備好逢星期五都食2個開心樂園餐了🥴 #麥當勞 #麥當勞新品 #麥當勞玩具 #香港麥當勞 #麥當勞兒童餐 #開心樂園餐 #開心樂園餐玩具 #開心樂園餐公仔 #tomandjerry #貓和老鼠 #貓和老鼠精品 #杰瑞 #傑利鼠 #湯姆 #湯姆貓

知道 @woolokoon.hk 葫蘆館結業重開，真係好開心！之前食過佢哋嘅薑汁撞奶已經覺得好好食，問咗店員，依家嘅薑汁撞奶都係同創辦人董生學習，保證客人食到嘅都係同樣嘅味道。 🌟薑汁撞奶 $32 👉🏻一坐底都聽到好幾枱客人不約而同都叫薑汁撞奶xd枱面上餐牌都有提示，薑汁撞奶要趁熱食，唔好攪唔好搖。第一啖食落薑汁味真係超突出！同埋真係超滑，薑味濃之餘仲有奶香，真係好正！ 🌟芒果紫米小丸子 $38 👉🏻紫米好軟熟，芒果切到好大粒，加埋煙韌軟糯嘅小丸子，真係好滿足 🌟芝麻湯圓 $7 👉🏻咬開入面真係流沙㗎，好好食！ 葫蘆館 (觀塘) 觀塘宜安街2-4號地下2A號舖

#852hkfood銅鑼灣 喺銅鑼灣做完嘢，去咗登龍街搵好嘢食！知道新開一間麵店係用雞白湯做湯底，啱晒我呢啲湯怪！ 🌟咩麵有麵 $78 👉🏻入面配料包括：雲吞 墨丸 牛丸 魚蛋 牛腩同貢丸，都真係幾開心～雖然牛腩肥咗少少，不過食落浸牛油香係幾正。雲吞超大粒，食咗4/5啖先食得晒，雲吞係新鮮豬肉配日本櫻花蝦，堅足料！本身想食河粉，但太晏去到已經賣晒，唯有食米粉，米粉都幾滑又吸湯，唔錯～ 不過重點都係想推佢個湯！！好飲到問佢加湯！湯底呈奶白色，飲落鮮香清甜，湯底用咗超過8小時熬製，飲落濃而不膩，真係有住家湯嘅味道 呢度仲有自家製嘅辣菜脯，入口爽脆香脆，好惹味 麵家 @mingaa.hk 銅鑼灣登龍街18號V Point地下3號舖 #銅鑼灣 #銅鑼灣美食 #登龍街 #麵家 #新開 #新餐廳 #咩麵有麵 #雞白湯 #雲吞 #墨丸 #牛丸 #魚蛋 #牛腩 #貢丸 #米粉 #湯麵 #湯 #辣菜脯 #菜脯 #午餐 #晚餐 #外賣

🌟好物分享- TY Science 川御 NMN40000+ 鉑鑽版 市面上都有唔少保建品，但係川御呢隻係全港含量最高嘅NMN，採用專利純化提取技術製造，確保NMN品質達到超過99%的高純度。佢仲係唯一通過世界衛生組織（WHO）註冊嘅品牌成分，證實可以有效提升人體NAD+水平 ✔️功效： 顯著刺激頭髮生長 有效逆齡抗老 增強免疫力 抵禦紫外線損傷 有助於穩定血糖 改善睡眠質素 提升活力和肌肉力量 @ty.science.nmn #川御 #TYSCIENCE #保健品 #保健品牌 #保健品推薦 #健康生活 #日本城 #NMN #鉑鑽版 #抗衰老 #全港含量最高 #川御鉑鑽版 #川御nmn

@lafamillecake 今年嘅新年禮盒好靚呀！ 🍊賀年開運年花禮盒 🧧禮盒造型超級精美，栩栩如生嘅年花造型，每片花瓣都印有別緻嘅燙金，仲將象徵吉祥嘅富貴橘🍊融入禮盒。禮物入面有四款賀年甜點，包括：賀年糖不甩蝴蝶酥(8pcs)、金芝麻堅果脆球(8pcs)、金銀滿屋朱古力堅果曲奇(6pcs)、開心果士多啤梨鳥結糖(8pcs)；食完仲可以將禮盒變成新年擺設，一舉兩得～ 🍊賀年曲奇禮盒 🧧入面有九款富有新春特色嘅賀年曲奇，使用優質牛油同日本麵粉製造，每塊曲奇都富有牛油香，加埋酥化嘅口感，真係好好食！除咗好味道，曲奇嘅賣相都好加分！😍充滿好意頭嘅喜慶花瓣「紅棗曲奇」、吉祥舞獅頭「紫薯曲奇」、富貴銅錢幣「金桔曲奇朱古力」以及活現靈蛇「雲尼拿曲奇」，記住要相機食先呀！ 🍊門市限時優惠：門市單一消費淨額滿HK$600，即可獲贈1罐賀年朱古力脆脆；消費滿HK$1,000可獲贈1盒24件雜錦手工蝴蝶酥禮盒。 #lafamillecake #lafamillehk #chiffoncake #chiffoncakehk #戚風蛋糕 #戚風蛋糕專門店 #hkcakeshop #賀年甜點 #賀年禮盒 #NewYearGiftBox #賀年曲奇禮盒 #NewYearCookieGiftBox #新春優惠 #賀年優惠