Ranouska van Putten Bekker

Tin dia nos no tin nesesidat di nada, nos ta sinti nos kompletu i e siguiente dia nos tin nesesidat di amor, nesesidat di sinti nos sufisiente, di wòrdu aseptá òf apresiá. Ahn, pero tin e dianan tambe ku nos tin mester di tur kos i mas. Nos ta rabia òf iritá pasó e lokual nos falta, ta aturdí nos di tal manera ku e no ta pèrmití nos mira te pa komprondé kiko eksaktamente ta pasando e momentu ei. Nos ta pèrdè den nos propio mundu, nos no sa kua kaminda kue, i si nos sa, dos minüt despues portá nos ta desvia di dje òf invalidé. Esaki no ta nifiká ku nos no por tin balansa mas, esaki ta nifiká ku no ta tur kos ta den nos man, no ta tur kos nos sa, no ta tur kos nos ta konsiente di dje, i no ta tur kos nos por manehá. Balansa ta bin i e ta bai, e no ta un liña rekto ku ta mantené su mes konstante. Nos ta wòrdu desbalansá pa yen kos, entre otro pasó nos tin hamber, nos no a drumi bon, nos tin pishi wantá, konstipashon, tin muchu bochincha òf muchu silensio, nos hormonanan, troumanan, kansansio, preokupashon, pensamentunan intrusivo, emoshonnan intenso òf inmanehabel, lokual un hende a bisa bo, òf hustamente no a bisa, muchu moveshon òf hasi nada. Nos ta humano, nos ta balansa i nos ta desbalansa. Konstantemente nos ta moviendo di un banda pa otro. Nos malestar ta duna nos informashon di kiko ta hasi nos doló e momentu ei, i nos bienestar ta bisa nos kiko ta funshoná nos e momentu ei. E informashon aki tei den bo. E informashon aki no ta disponibel otro kaminda, pasó ta abo ta bo propio fuente di informashon di i pa bo mes. Pero tin bia nos no por mira, tin bia nos no ta kla pa mira, tin bia no tin nada di mira, i den algun kaso, nos no lo mira nunka. Pero den kaso ku bo ta sinti ku bo ke mira i no ta logrando, buska un bril!! buska yudansa!

Ansiedat ta bastante komún, i tin bia nos no mester desaroyá e trastorno di ansiedat komo tal pa tin sierto hábitonan relashoná kuné.

Glow up parti 2 pa bo salú mental.

Parti 1: glow up. E realidat ta ku un “glow up”, ta trabou, progreso i resultado. Un proseso intenso i ku realmente no ta kaba i ku pa nos kada un e ta algu diferente. No kompará bo kaminda, bo proseso òf bo logronan ku un otro. Kòrda ku e informashon ku bo tin ta menos di esun ku bo no tin. Keda pendiente pa parti #2.

Amor tin un definishon diferente pa tur hende, esun di abo, ta un definishon ku bo ke eksperensiá òf abo ta kore pa lokual den bo kabes ta amor?

Nos ta wòrdu konstruí inkluso ku lokual a distruí nos. Duna bo mes e chèns pa rekonstruí bo mes tur e bianan ku ta nesesario, pasó aunke e no ta sinti dushi semper, lo bo benefisiá di su frutanan. No tin nada manera bo proseso, ni’n otro ta biba, sinti i tin un esensia manera bo, krese manera abo so por. Krese den e direkshon ku abo tin mester i bida ta eksiguí di bo. Krese pa e simpel plaser di mira bo mes den un sapatu diferente. I ku krese mi no kiermen e gran paso di bo bida, tin bia krese ta simplemente PURBA mira un situashon diferente aunke bo no logra e promé bia. Kresementu tin un defishon diferente pa nos kada un. Definié pa bo, i konkistá e vershon ku abo ke ta, independientemente si tin tempunan duru òf suave.

None

Skohe kaminda bo ke ta, pasó no ta den tur ambiente lo bo desaroyá, no ta tur ambiente lo bo wòrdu insitá pa progresá. No ta tur hende por kompaña bo yega kaminda bo ke bai.

Kon abo ta manehá strès?

None

Bo ta sinti bo identifiká?

Hopi kambio, algun final i otro komiensonan. Hopi ku no ta den mi man, siñando mi un bia mas ku no ta tur kos mi por kontrolá. I aunke ku bo sa, aunke ku bo ta konsiente, bo tin e teoria, bo sa kon apliké, ta nesesario bibé. I e momentunan aki ta e senario perfekto pa praktiké. E trabanan ta bira oportunidat di aprendisahe, e trabanan ta bira un trapi mas serka di e metanan. E trabanan no ta un problema, mientras ku bo no miré asina. E temporada aki di aña bieu pa nobo tabata literal e kambio di un etapa bieu pa otro nobo pa ami. Danki na boso komprenshon den e temporada aki, pa a aseptá e kambionan di orario i fecha ku mester a tuma lugá pa ku e seshonan psikológiko. E insertidumbre di e temporada aki no a pasa, sinembargo lo mi hasi lokual ta den mi man pa e efektonan ta menos drastiko.